Tama ba

Kung may mali man sa sinulat kong ito ay kayo na lamang po ang bahalang magtuwid. Marami pong salamat.

"You can fool the people some of the time, but not all the time"
TAMA BA
Ni: Arvin U. de la Peña

Tama bang sabihin na nakamit na natin ang kalayaan. Kung karamihan sa atin ay hindi magawa ang gusto. Parang nakakulong pa rin. Hindi magawa ang nais dahil sa napakaraming hadlang. May batas nga tayo pero ay para lang sa mayroong pera. Napakarami ng nakulong ng walang kasalanan. Napagbintangan lang sila. Hindi makalaya dahil hindi makapagpiyansa. Kapag ang isang mayaman ay makabaril o may nagawang labag sa batas ay madaling makalabas ng kulungan dahil may pangpiyansa. Hindi agad makukulong dahil magkakaroon pa ng asunto. Dahil mabagal ang hustisya ay matatagalan pa bago madesisyunan. Bumibilang pa ng taon. Minsan bulag pa ang hustisya. Kahit may kasalanan ay hindi nakukulong. Lalo na kapag maimpluwensiyang tao. May kapit sa gobyerno. Kahit halata na siya ang utak sa ginawang krimen ay hindi agad mapaparusahan. Ang kalayaan ay masasabing nakamit kung tayong lahat ay nagagawa anuman ang naisin ng walang takot at pag-aalinlangan.

Tama bang sabihin na ang mga padalang pera mula ibang bansa ang nagsasalba sa ating ekonomiya. Para sa akin ay hindi. Tayong mga pilipino o karamihan sa atin ay mahilig sa mga imported na bagay. Tinatangkilik natin ang gawang banyaga. Araw-araw ay napakaraming importation. Sa pag import ng mga produkto ang binabayad ay dolyar o kaya ay pera ng kung anong bansa galing ang import na produkto. Halimbawa na lang ang mula sa Amerika. Araw-araw ay napakaraming pera ang pinapadala mula Amerika papunta sa ating bansa na Pilipinas. Pero araw-araw din ay napakaraming dolyar ang naibabalik papunta sa Amerika. Dahil araw-araw ay nag iimport tayo ng produkto mula sa Amerika kaya natural na ang ibayad ay dolyar. Oo araw-araw ay may umuuwing pilipino mula Amerika at may dalang dolyar. Ngunit araw-araw din ay may pumupunta ng Amerika at nagdadala rin ng dolyar. Baka nga araw-araw ay mas maraming dolyar ang nailalabas mula sa ating bansa kaysa dumarating. Para masalba ang ekonomiya ng ating bansa dapat nating tangkilikin ang produktong pinoy. Ang original bag na katulad ng louis vuitton o di kaya ang hermes kelly bag ay napakalaking halaga. Kung di ako nagkakamali ay hindi bababa sa 10,000 dollar ang presyo. Pero may mga pilipino pa rin na bumibili ng bag na ganun. Samantalang puwede na makabili ng bag na gawang pinoy na nagkakahalaga lang ng 500 pesos. Isang dahilan para sa akin kung bakit bagsak ang ating ekonomiya ay dahil sa pagiging sosyal ng ibang mga pilipino. Ang perang padala mula ibang bansa ay masasabi kong nagsasalba sa ekonomiya ng ating bansa kung hindi na iyon naibabalik sa bansang pinanggalingan. O di kaya kung may bumalik man ay kaunti lang.

Tama bang sabihin na ikaw ang magsisimula para sa pagbabago. Kung mismo sa iyong sarili ay may dapat na baguhin. Napakaraming pilipino ngayon ang nais na magkaroon ng pagbabago. Paano magkakaroon ng pagbabago kung ang naghahangad ay may dapat ring baguhin sa kanyang sarili. Bago maghangad ng ganun dapat ay malinis mo muna ang iyong pagkatao. Kung may bahid ng dumi ang sarili mo ay linisin mo muna para hindi ka mangamoy sa ibang tao na naghahangad rin ng pagbabago. Huwag sumakay sa isang hakbangin para lang makilala ka ng mga tao. Simulan mong baguhin ang dapat na baguhin sa iyong sarili bago ka maghangad ng pagbabago para sa lahat. At kung di mo alam ano ang dapat baguhin sa iyong sarili ay itanong mo sa mga nakakakilala sa iyo dahil tiyak alam nila iyon.

Wakas

Sa umpisa pa lang ng pagsusulat ko nito ay nasabi ko sa sarili na kapag natapos na ito at mapost na sa blog ko ay may mga magbabasa na magagalit sa akin o kaya maiinis. At ewan ko kung tama ang hinala ko.

"You really don't have to be super nice always. Sometimes you have to show your bad side, so that you can sort out who can accept you at your worst mood".


WAKAS
Ni: Arvin U. de la Peña

Sino ang nagsasabi na ang bansang Pilipinas ay mahirap. Na kung ikaw ay dadaan sa bawat kalsada ay may makikita kang nagsusugal. Kung pupunta ka naman sa sabungan ay doon makikita mo ang mga tao na sinasayang lang ang pera. Kung pupunta ka naman sa mga mall makikita mo karamihan ng tao ay bumibili ng mga mamahalin na bagay. Ang iba ay kumakain pa sa mga mamahalin na restaurant. Kung pupunta ka naman sa mga internet cafe ay doon makikita na napakaraming gumagamit ng computer. Napakarami rin ang nagbabakasyon sa iba't ibang lugar. Sa pagbakasyon ay malaking pera ang nagagasto. Kung ang bansa ay mahirap dapat lahat na mga tao ay kayod ng kayod.

Nakakalungkot isipin na kapag halalan ang salitang kahirapan ay ginagamit ng mga politiko. Kung anu-ano ang sinasabi nila tungkol sa kahirapan ng mga pilipino. Samantalang sila na mga nagsasalita tungkol sa kahirapan ay mayayaman. Sila na mayayaman ang umaangal tungkol sa kahirapan. Samantalang ang mga pilipino na sinasabihan nila na mahirap ay hindi nagrereklamo tungkol sa hirap ng buhay. Ang ginagawa nalang nila ay magtiis at gumawa ng hakbang para may makain.

Kung ang lahat dapat na igagasto sa halalan ng bawat politiko ay pagsasamahin ay baka puwede iyon ipambayad sa utang ng ating bansa. Pero hindi nila iyon gagawin dahil masisira ang pansarili nilang interes. Mawawalan sila ng malaking halaga ng pera. Malungkot man isipin pero para sa akin ay pinapaikot lang tayo ng mga politiko. Para tayong mga tanga. Sa tv ay makikita mo at mababalitaan na nag-aaway ang mga politiko. Nagbabatuhan ng kani-kanilang baho. Kung anu-ano ang sinasabi laban sa isa't isa na akusasyon kahit ito ay nakakasakit. Pero pagtagal ay magbabati. Paglipas ng ilang buwan o taon ay magiging magkaibigan na. Tama ba iyon? Para sa akin ay hindi tama iyon. Dahil ang kawawa sa ginawang pagbabati ay ang kanilang mga taga suporta. Ang ipinaglaban noong may alitan pa ang bawat isa na politiko ay biglang maglalaho. Sayang lang ang lahat dahil walang kahihinatnan.

Sa mga matatanda na nakakausap ko ay nagsasabi sila na mas mabuti pa raw noong panahon ni Marcos dahil lahat na mga bilihin ay mura. Hindi mataas ang presyo ng mga paninda. Hindi raw masyadong nagugutom ang mga tao noong panahon ni Marcos. Hindi katulad ngayon na mahirap makahanap ng makakain. Konti lang ang sinusuwelduhan ng gobyerno na politiko. Pero ngayon ay napakarami na ang nakaupo na politiko sa gobyerno. Ang masakit ay kahit marami ng politiko ang nakaupo sa gobyerno ay hindi pa rin umuunlad ang ating bansa. Hindi pa rin umaasenso masyado ang bayan na pinagsisilbihan ng ibang politiko. Marami pa ring krimen na nangyayari. Marami pa ring insidente ng pagnanakaw at pagpatay. Marami pa ring mga alagad ng batas na umaabaso sa kapangyarihan. Ginagamit nila ang kanilang baril at posisyon para abusuhin ang isang tao. Higit sa lahat ay may mga krimen na pangyayari ng dahil sa politika.

Ngayong halalan na darating ay iboto niyo na lang ang kung sino ang nais niyong iboto. Sa pagboto niyo ay huwag niyong isipin na siya ang iboboto niyo dahil kapag siya ang manalo ay aangat ang ating bansa. Kung bakit?. Iyon ay dahil mahirap ng umasenso at umunlad ang ating bansa. Ang mga pangyayari sa ngayon na dulot ng politika na nakakaapekto sa taumbayan ay magpapatuloy pa iyon. Hindi na iyon magwawakas. Magtiis na lang tayo. Mas mabuti pa nga ang isang pelikula, kanta, komiks, nobela, teleserye, tula, at kuwento ay may wakas. Katulad ng sinulat kong ito na ang pamagat ay Wakas. Dito na nagwawakas.

Malayo Pa Ang Umaga (by request)

Sa palabas na Agua Bendita kapag magpapatalastas na po ay naririnig ang lyrics ng themesong ng teleserye na "malayo pa ang umaga". Dahil doon ay na inspire akong magsulat na ganun ang pamagat. At ang naisulat kong ito ay pagbibigay sa request ng kaibigan ring blogger na si Vernz. Ilang ulit na rin siyang nagrequest sa akin. Nagrequest siya sa akin sa pamamagitan ng comment at sa tagboard ko.

vernz: tiningnan ko kung may tula ako .. LOL! (kafal)

Vernz said...

Wow! ako rin .. (kafal din) heheheheh! ang ganda naman ni Bambi Dear!

February 6, 2010 7:07 AM

http://inthissideoftown.blogspot.com/
http://www.anythingdavao.blogspot.com/
http://vernzfreestuff.blogspot.com/

"Maging gabi man ang iyong trabaho ay tanggapin ng buong puso kasi kahit paano ikaw ay kumikita ng pera"

MALAYO PA ANG UMAGA
Ni: Arvin U. de la Peña

Huwag kang magmamadali
Hinay-hinay ka lang
Baka ikaw ay matisod
Masisira ang iyong pangarap.

Malayo pa ang umaga
Matagal pa bago sumikat ang araw
Habang gabi ay samantalahin mo
Pagkakataon para ikaw ay kumita.

Pagbutihin mo lang iyong ginagawa
Huwag mong alalahanin ang bukas
Dahil kusang dumarating iyan
Kapag tapos na ang dilim.

Hindi magdudulot ng maganda
Kung hindi ka magdahan-dahan
Tanggapin mo na ikaw ay pang gabi
Sa gabi ka kumikita ng pera.

Gumaya ka sa iba
Tularan mo ang ibang tao
Hindi inaalintana ang puyat
Basta para sa ikabubuhay.

Kung Tayo'y Magkakalayo (by request)

"Kapag mayroon ka ng minahal at sa kanya ay masayang-masaya ka talaga ay gugustuhin mo talaga na hindi kayo magkalayo. Ang sinulat kong ito ay para po sa request ng isang kaibigan rin na blogger. Ito po ang naisulat ko para sa request niya. Nag request siya sa akin sa post kong Ang Kaibigan Kong Nagbakasyon."

Fe said...

wow, ganda naman ng mensahe ng tulang ito, I'm sure na touch yung friend mo pagnabasa niya ito. pwde gawa mo rin ako ng tula haaa joke....anyway, I sometimes check your poem and ang galing mo.


Keep it up!!!

January 31, 2010 7:58 AM

http://www.remfe.blogspot.com














KUNG TAYO'Y MAGKAKALAYO
Ni: Arvin U. de la Peña

Kung tayo'y magkakalayo
Siguro ako na ang taong pinakamalungkot
Kasi sa iyo ko lang natagpuan
Ang tunay na kaligayahan.

Kung tayo'y magkakalayo
Hindi na ako maghahanap pa ng iba
Hinding-hindi na iibig pa
Kahit mas may higit pa sa iyo.

Kung tayo'y magkakalayo
Ang daigdig ko ay sira na
Hahayaan ko na lang na mawasak pa lalo
Ang buhay ko na sa iyo lang umiikot.

Kung tayo'y magkakalayo
Lagi ko pa rin ikaw iisipin
Maghahangad pa rin ako
Na tayo ay magkabalikan.

At kung tayo'y magkakalayo
Ipagsisigawan ko ang pangalan mo
Pagka't sa iyo ay wala na ako mahihiling pa
Ikaw ang bumubuo ng mundo ko.

Bato

"Ang lahat na mula sa kalikasan ay dapat binibigyan ng halaga. Maging ito man ay isang bato. Dahil ang bato naging malaking parte na ng ating buhay lalo na noong tayo ay mga bata pa. Siguro sa sinulat kong ito ay maaalala niyo na noong kayo ay bata pa ay may pinulot kayong bato para batuhin ang isang tao na nakaaway niyo o di kaya kayo ang binato. Kung hindi man ay may pinupulot kayo na bato para lang batuhin ang isang kaibigan na biro lang ang pagbato."

BATO

Ni: Arvin U. de la Peña

Naglalakad ako isang tanghaling tapat

Nang may madaanan akong bato

Isang maliit pero magandang bato

Hinawakan ko at pinagmasdang mabuti.

Habang tinitingnan ay nasabi ko

Kaygandang bato nito naiiba ang hugis

Parang hindi siya ordinaryong bato

Noon lang ako nakakita ng ganun klaseng bato.

Gusto kong dalhin ang bato sa amin

Pero nagpasya akong ibalik sa lupa

Dahil diyan siya nararapat

At nagpapaganda sa kalsada.

Kinabukasan sa muli kong pagdaan sa kalsada

Sa kung saan doon ko nakita at nahawakan ang bato

Laking gulat ko ng hindi ko na makita

Hinanap ko nguinit wala na talaga.

Nanghinayan agad ako sa bato

Sana ay dinala ko na lang sa amin at itinago

Hindi sana siya mawawala

Lagi ko pang makikita kung nanaisin ko.

Sa di kalayuan ay may nakita ako

Mga batang naninirador ng ibon

Agad ay nasabi ko sa aking sarili

Na baka sila ang kumuha sa bato.

Pinuntahan ko at kinausap ang mga bata

Sinabi ko ang tungkol sa bato

Dinala ko pa sila

Sa kung saan nakita ko ang bato.

Doon ay sinabi ng isang bata

Namulot sila ng mga bato diyan

Para gamiting bala sa pagtirador sa ibon

Nanghina ako ng marinig ko iyon.

Umalis na ang mga bata

Pero naiwan pa rin ako

Iniisip ko pa rin ang tungkol sa bato

Nasaan na kaya iyon.

Hanggang ngayon kapag naaalala ko

Ang bato na iyon na aking nakita

Hindi ko maiwasan na hindi sisihin ang sarili ko

Kung bakit hindi ko iyon kinuha at itinago.

Hangarin (by request)

Karangalan po para sa akin na ang isang blogger na si Ella ay magrequest ng isang tula. Dinaan niya ang pag request sa akin sa cbox niya. Hanga po ako sa uri ng pagkatao niya. Sikat po talaga siya para sa akin na blogger. Sa mga magbabasa nito hinihikayat ko kayo na puntahan ang site niya. Doon ay malalaman niyo na totoo ang sinasabi ko. Sa site niya sa side bar sa kaliwa ay doon may malaman kayo tungkol sa kanya. Basta di ko na lang sabihin dito. Puntahan niyo na lang siya,hehe. Controversial talaga siya sa ngayon, haha. Na news na yata at nabalita siya sa diaryo. Marami kayong malaman at matutunan mula sa kanya kaya punta na kayo sa site niya.

http://www.ellaganda.com/

ella: ei arvin, special request, igawa mo naman ako ng tula, puwede? Kahit maikli lang. I like the way you write in Filipino. Thanks in advance

HANGARIN
Ni: Arvin U. de la Peña

Dumating man sa iyo ang araw
Na may bumabagabag sa iyong isipan
Huwag ka lang mabahala
Maging kalmante ka lang.

Huwag mo iyon dibdibin masyado
Lalo at alam mong ikaw ay tama
Wala kang ginagawang di kanais-nais
Kaya walang dapat ipag-alala.

Lagi mo lang tandaan
Na ang masama ay walang panalo sa mabuti
Mga paninira lang talaga sa iyo
Kung ikaw man ay bigyan ng sama ng loob.

Panatilihin mo lang nakagawian mo na
Huwag kang mag-iiba aking kaibigan
Dahil marami ang humahanga sa iyo
Marami ang nagtitiwala sa iyong kakayahan.

Sa pakikibaka mo sa buhay
Hindi ka lang nag-iisa
Marami rin ang katulad mo
Sa lahat ng ginagawa malinis ang hangarin.

Pagsubok (by request)

Sa sinulat ko pong Ang Kaibigan Kong Nagbakasyon (by request) ay may tatlo pong nagrequest na sila ay sulatan ko. Sa dalawang nauna ay pasensya na po kayo kung ang unahin kong pagbigyan ay ang pangatlo na nagrequest na walang iba kundi si Bambie dear. Pangako ngayong buwan ay mapagbibigyan ko kayong dalawa.

Bambie dear ★ said...

isa na namang magandang tula.. sana magawan mo din ako minsan haha (kafal).. natawa naman ako sa yo, ang dami na nya pala napainom sa yo kaya ok lang na bawiin mo yun sa tula.. Hanggang sa muli..

February 1, 2010 8:30 PM

http://www.labambita.com

"A strong person is not the one who doesn't cry. A strong person is the one who knows how to be quiet and shed a tear for a moment and then pick up sword and fight again."

PAGSUBOK
Ni: Arvin U. de la Peña

Ang problema ay hindi dapat na tinatakasan
Ito ay hinaharap ng buong tapang
Dahil sa bawat suliranin
Ito ay mayroon kalutasan.

Hindi nagbibigay ang diyos ng pagsubok
Kung ito ay walang solusyon
Magtiis lang at magpakatatag
Dahil tiyak ay mayroon pag-ahon.

Kahit gaano pa kabigat
Ang dagok sa buhay na dumating
Ito ay malalampasan talaga
Basta magpursige lang kung paano lutasin.

Huwag panghinaan ng loob
Dahil ang pagsubok parte na ng buhay
Kasama na iyon habang nabubuhay
Dito sa mundo na puno ng hiwaga.