Libro

"What we learn from school is only the theory. It is actually the experience that teach us the real learning."
LIBRO
Ni: Arvin U. de la Peña

Malaki at mabigat ka pa sa notebook
Mga mag-aaral marami sa iyo nalalaman
Lahat na nakasulat sa iyo ay may kabuluhan
Kung wala ka hindi kumpleto ang pag-aaral.

Sa paaralan ikaw ang pinakaimportante
Halos lahat ng itinuturo mula sa iyo
Malaki ang naiaambag mo na kaalaman sa bawat nag-aaral
Sa pagtatapos ng pasukan marami ang natututunan.

Binabasa ka ng ilan kapag walang magawa
Kumukuha sa iyo ng kaalaman
Ang iba naman gabing-gabi natatapos kang basahin
Lalo na kung may pagsusulit na naghihintay.

Libro napakahalaga mo sa mga estudyante
Dinadala man sa paaralan o sa bahay lang
Bawat pahina mo ay may kabuluhan
Gabay sa pangarap na nais matupad.

Noon at Ngayon

"Hindi porke't lagi kaming umiinom ay
tatawagin na kaming lasinggero/lasinggera. Hindi naman lagi iyong lasa ng alak ang aming hinahanap kundi iyong pagkakaibigang nakukumpleto, problemang nakakalimutan, samahan na tumitibay, at pangarap na nabubuo sa bawat tagay."

























































































































































































































Noon at Ngayon

Ni: Arvin U. de la Peña

Ganito kami noon, ganyan rin sa ngayon. Ang pagkakaiba lang noon ay bata pa kami at ngayon ay hindi na. Sa bawat taon ay nagkakaroon ng selebrasyon ang aming pinag-aralan noong high school. At iyon nga ang Grand Alumni Homecoming na dinaraos ng tatlong araw mula linggo hanggang martes pagkatapos ng holy week. Marami ang nagtratrabaho mula sa ibang lugar o bansa ang umuuwi para lang maki celebrate sa nasabing event at makiisa sa kanilang batch.

Bago pa mangyari iyon ay nagkakaroon kami, ganun din sa ibang batch ng mga pagmemeeting patungkol sa Grand Alumni Homecoming na ang theme ngayon ay 80's Mania, the very best of the eighties. Bagamat may kanya-kanya na kaming mundo na tinatahak ay nariyan pa rin ang aming dedikasyon para sa meeting at mapag-usapan ang mga plano. Nakakalungkot nga lang ang iba ay hindi na nakikiisa sa amin dahilan para maging kaunti lang kami at dahil doon ay mag parade na lang kami. Hindi katulad noon na sumasali kami sa mga competition. Mayroon kaming float, may mga dancers sa pag parade na sila rin ang mag perform sa stage presentation pagka gabi. Ganun pa man ay inuunawa namin sila. Dahil sadyang ganun, kasabay ng paglipas ng panahon ay ang pagbabago din ng tao. Kung noon may mga member na active para sa Grand Alumni Homecoming pagtagal ay hindi na dahil nagbago na nga.

Kahit sila ay hindi na active, kami na active ay patuloy pa rin sa kung anuman ang aming nasimulan. Hindi kami nagbago dahil wala sa amin ang ganun. Patuloy kami sa pagtakda ng kung anong araw muli ay mag meeting dahil kaya naman namin na mag meeting kahit wala sila. Mahirap pilitin sila na ayaw na kahit panay na ang pag text o kaya nakakausap pa ng harapan ay ayaw talaga mag attend. At sa bawat pag meeting ay bumabalik din sa aming alaala ang nakaraan noong high school. Ang katuwaan, ang kalungkutan, ang mga biruan, ang tungkol sa mga naging crush, ang mga pagliligawan at kung ano pa na ang mga iyon ay nakalipas na lang. Masarap ang pakiramdam na minsa sa isang taon ay magkikita-kita kami na naging kasabayan sa pag-aral ng high school.

Pero sa huli umaasa kami na ang mga ibang member na hindi na active sa ngayon ay muling makikiisa sa amin. Sasamahan kami para muling mabuo ang nawasak na samahan.

Ober Da Bakod

"Ang showbiz ay mundo ng walang katapusang intriga."










OBER DA BAKOD
Ni: Arvin U. de la Peña

Sa showbiz ay uso talaga ang lipatan, lipatan ng istasyon. Sa madaling salita ay ober da bakod. Maraming dahilan kung bakit sila lumilipat. Nariyan ang hindi nabibigyan ng magandang break. Nariyan ang hindi kuntento dahil isa o ilang show lang ang nilalabasan. Minsan hindi kuntento sa talent fee.

May mga artista na sumikat talaga dahil sa istasyon na naroon sila. Nabigyan ng show. Ibig sabihin nabigyan ng palabas na bida siya at napapanood tuwing lunes hanggang biyernes na kung tawagin ay teleserye. At hindi lang sa teleserye napapanood kundi may iba pa. Ang iba naman tuwing sabado o linggo napapanood ang palabas nila. Higit sa lahat sila ay nagkaroon ng mga pelikula dahil sa istasyon nila. Nagkaroon ng mga tagahanga. Dahilan para lalo silang sumikat.

Sa pagsikat nila ay natupad ang kanilang pangarap kung bakit gusto na maging artista. Ang iba gusto na maging artista dahil para magkaroon ng sapat na pera at maiahon ang pamilya sa kahirapan sa buhay. Ang iba naman dahil may pera na ay pumasok sa showbiz para makilala ng publiko. Ang iba naman gustong sundin ang yapak ng pamilya dahil pamilyang artista. At ang iba naman dahil sumikat sa pagiging artista ay pumapasok sa politika.

Bago lumipat ang isang artista para sa isang kabilang ay may mga negatibong natatanggap muna. At ang madalas na negatibong natatanggap ay sasabihin na walang utang na loob. Masakit ang ganun na salita. Pero isipin sana ng mga nagsasalita ng walang utang na loob na kung siya man ay sumikat dahil sa istasyon ay may naibigay din naman siya na kabayaran. Kabayaran na baka malaki pa ang kinita ng istasyon kaysa sa kanya. Kung ang artista ay binabayaran ng istasyon sa pamamagitan ng pera ay naghahatid din naman ng pera ang artista para sa istasyon.

Sa mga artista na nag oober da bakod ang masasabi ko sana hindi mali ang desisyon niyo. Mangyari ang gusto niyo sa istasyon na nilipatan niyo.

Kung ang pag ober da bakod niyo ay dahil gusto niyo na laging may show na mapapanood ay isipin niyo sana na maraming artista ang hawak ng istasyon. Hindi lang kayo ang artista nila na binibigyan ng pagkakataon para mapanood ng publiko at maipakita ang galing sa pag akting.

Kung ang pag ober da bakod niyo naman ay dahil bihira na lang kayo mabigyan ng show dahil medyo matanda na ay isipin niyo sana na talagang ang tao ay tumatanda. Dahilan para kumupas ang popularidad. Makuntento na minsan sa buhay ay sikat talaga at tinitingala sa daigdig ng showbiz.

Philippines, The Place You Want To Be

"Let the people know the truth and the country is safe."

PHILIPPINES, THE PLACE YOU WANT TO BE
Ni: Arvin U. de la Peña

Sa Pilipinas madaming Funloloko na nangyayari. Araw-araw iyon sa iba't ibang lugar. Makikipagkaibigan ang isang tao tapos pagkakatiwalaan naman. Tapos pagtagal ay lolokohin ang nagtiwala sa kanya. Masakit kung may kasamang pera sa funloloko. Pagnanakawan pagkatapos na pagkatiwalaan. Halimbawa na lang ay iyong tungkol sa katulong sa bahay. May mga nagiging katulong sa bahay na pagtagal ay pagnanakawan ang kanilang pinaglilingkuran at hindi na magpapakita. Isa pang halimbawa ay iyong tungkol sa pag-iibigan. May lalaki na nagiging taksil sa kanyang kasintahan dahil may nahanap na iba. Pagkatapos na makuha ang gusto sa babae ay unti-unting iiwasan dahilan para pagtagal ay maghiwalay. Ganundin naman sa babae. May mga babae na kahit may boyfriend na o asawa ay nagkakagusto pa rin sa ibang lalaki. Sa ganun ay nababalewala ang sumpaan sa isa't isa na magmamahalan habang buhay.

Sa Pilipinas madaming Fundaraya na nagaganap. Lalong-lalo na kung eleksyon. Manalo lang ay walang pakialam kung makasakit man ng kapwa. Sa fundaraya ay maraming paraan. Ang iba ay ballot switching. Nariyan din ang fundaraya na kung tawagin ay dagdag-bawas at marami pang iba na paraan sa fundaraya sa eleksyon. Sa paaralan din naman ay mayroon fundaraya. Sa pag eksamin ang iba ay mayroon kodigo na doon nakasulat ang maaaring sagot sa pagsusulit.

Sa Pilipinas madaming Funanakot sa kapwa. Napakaraming hambog o siga sa kalsada. Akala nila kung sino sila na mayabang. Nariyan din ang funanakot para sa mga negosyante o mayaman na tao ng mga rebelde na kung hindi magbigay ng pera ay may mangyayaring masama. Ang mga funanakot sa kapwa ay nagbibigay ng pagkabahala para sa isang tao. Hindi mapalagay dahil sa tinakot.

Sa Pilipinas madaming Fungagaya para sa iba. Likas na kasi sa mga Pinoy ang walang originality. Halimbawa ng fungagaya para sa album ng mga artist ng sindikato. At iyon ang humahawak ng mga pirated VCD/DVD. Kahit anong raid pa ang gawin ay hindi pa rin nasisiwalat ang sindikato. Isang halimbawa din ay fungagaya para sa porma ng isang tao. Kung ano ang nakita sa tv o pelikula dahil patok ang porma ay gagayahin.

Sa Pilipinas marami ang Funanabotahe. May mga patimpalak na nagiging controversial dahil sinabotahe ang resulta pabor para sa isang tao. Kung sino ang karapat-dapat na magwagi ay hindi nagwawagi dahil may tao na gagawa ng paraan para hindi siya ang manalo.

Sa Pilipinas madami ang Fungingikil. May mga tao na dahil nasa katungkulan ay hinihingan ng kung ano ang isang tao. Kung ano ang hiningi ay pagbibigyan naman lalo na kung maimpluwensya.

Sa Pilipinas madami ang Fungungurakot. Kurakot dito, kurakot doon. Kakurakutan kahit saang lugar. Nariyan ang fungungurakot ng ilang opisyal ng gobyerno. Higit sa lahat fungungurakot ng ibang mga politiko. Kung anu-anong ginagawa ng ibang mga politiko na corrupt sa kanilang lugar na pinagsisilbihan para makapangurakot. Makakapal ang mukha ng mga politiko na iyon na corrupt. Dahil kahit sila ay pinandidirihan na ay nakakaya pa rin na humarap sa publiko at tumakbo uli sa halalan. Sobrang kapal ng mukha dahil kung kailan malapit na ang eleksyon saka mag-uumpisa ng proyekto

Sa Pilipinas madami ang Fungongotong. At iyon ay tungkol sa ibang mga pulis na kung tawagin din ay kotong cops. May mga pulis na ang ibang mga vendor ay hinihingan nila. At siyempre ang vendor ay magbibigay naman dahil kung hindi siya magbigay ng pera ay hindi siya makakapagtinda na kikita siya ng pera. Kawawa sila na mga vendor dahil konti na nga lang ang kita ay hihingan pa. May fungongotong din para sa mga hinuhuli na mga sasakyan.

Sa Pilipinas madami ang Fun. Marami ang nakakatuwa sa Pilipinas dahil lahat ay maaari mong magawa na sa ibang bansa ay hindi mo magagawa. Ngunit mas marami ang hindi natutuwa dahil sa mga pangyayari bawat araw. Sa Pilipinas na bansa ni Jose Rizal. Sa Pilipinas na bansa ni Lapu-Lapu. Sa Pilipinas na bansa ko ay Philippines, the place you want to be.