Monday, June 29, 2009

Emo

(Katuwaan lang ito. Pumayag ang isang blogger na ipost ko ang picture niya kasama ang poem kong isusulat. Ang blog niya po ay http://www.myorangevest.blogspot.com/)

EMO
By: Arvin U. de la Peña

Love me while I'm so much

in love with you

Don't throw me because

I'm not a garbage

You will regret if I will

apart from you

You won't see me anymore

Just show your love to me

And I will do the same to you

We're not young my dear

Open your feelings to me

I have also feelings with you

Say I Love You to me

So long I've been waiting for that.

Paaralan

"Napakalaki ng naitutulong ng paaralan sa buhay ng tao"

PAARALAN
Ni: Arvin U. de la Peña

Salamat dahil sa iyo nahubog ang isipan namin
Dahil sa iyo nagkaroon kami ng mga pangarap
Kahit mahirap na maabot iyon
Pinagtiyagan mo pa rin kami na matupad iyon.

Hindi mo kami pinababayaan
Umulan man o umaraw
Kahit na bumagyo ay nandiyan ka pa rin
Para sa iyong mag-aaral.

Nagagalit man kami minsan sa iyo
Dahil sa pagtaas ng mga bayarin
Ay humuhupa rin naman pagtagal
Dahil sa maayos mong pagpapaliwanag.

At kung dumating man ang panahon
Na kailangan na naming umalis
Dahil sa kami ay nagtapos na
Masayang-masaya ka para sa amin.

Hindi ka nalulungkot kung may mga aalis man
Dahil alam mong may mga bagong darating
Para iyon naman ang turuan at gabayan mo
Na matupad ang mga mithiin sa buhay.

Monday, June 22, 2009

Isipin Mo

(Minsan sa buhay natin ay may pagkakataon na nahihirapan tayong makapagdesisyon lalo na kung may kaugnayan sa pag-ibig)














Isipin mo papalubog na ang araw at naglalakad ka sa tabing dagat. Malalim ang iyong iniisip dahil sa nangyaring kabiguan. Dahilan para mawalan ka ng direksyon sa buhay. Nang bigla sa iyong likod ay may sumisigaw at tinatawag ang pangalan mo. Paglingon mo ay ang taong minahal mo ng buong puso. Minahal mo siya ng higit pa sa sarili mo. Pero sa kabila ng pagmamahal mo ng lubos sa kanya ay iniwan ka at pinagpalit sa iba. Umiiyak siya, nagsisisi sa ginawang pakikipaghiwalay sa iyo. Humihingi ng tawad at gusto niyang makipagbalikan sa iyo. Ano ang gagawin mo? Tatanggapin mo pa ba siya? O kaya ay magpapatuloy ka na lang sa paglakad kung saan sa dako pa roon ay nandoon ang bago mong mamahalin?

Monday, June 15, 2009

Sana..(published newspaper)

(Note: Ang tulang ito na SANA ay magkaiba sa sinulat ko rin na ang pamagat ay SANA na napublished rin iyon sa diaryo na post ko na dito sa blog ko matagal na. Magkaiba po talaga sila, pareho lang ang pamagat.)


Habang sinusulat ko ito ang nasa isip ko ay ang aking nanay na namatay. Para po talaga sa kanya ang tula na ito. Di ako makapaniwala na ang na araw na iyon ang huli na naming pagsasama. Malakas pa naman iyon. Sa umaga ay nakasalo ko pa siya sa pagkain. Tapos ng oras na past 9 am yata o malapit ng mag 10 am para makipaglibing na nandoon din ako ay doon bigla nahimatay siya. Nawalan ng malay at dinala sa ospital sa aming lugar. At paglipas ng ilang minuto ay na coma na siya. Humihinga na lang, hindi na nagsasalita. At ilang sandali rin ay bumiyahe kami para ilipat sa isang ospital sa Tacloban. Wala rin nangyari ganun pa rin hindi na nagsasalita, comatose na siya talaga. At ng ilipat uli sa isang ospital past 7 pm yata dahil baka doon ay may pag-asa pa na mabuhay ay bigla doon nawalan na talaga ng pulso. Binawian na siya ng buhay. Napakalungkot ng sandali na iyon. Di lang para sa akin kundi para aming pamilya, sa dalawa kong kapatid at sa aming mga kamag-anak. Talagang mahirap makapag move on sa ganun na pangyayari. Hanggang ngayon nga parang mahirap ko pang tanggapin ang pagkawala niya. Pero wala na akong nagagawa dahil talagang ganun ang buhay dito sa mundo. Di talaga natin alam kung hanggang saan ang buhay natin. Talagang hiram lang sa diyos ang buhay natin. Enjoy life na lang talaga habang ikaw ay nabubuhay pa para kahit bawian ka ng buhay ay sulit ang naging pananatili sa mundo. Kahit ano ang estado ng buhay mo. Maging ikaw man ay mayaman o mahirap. After all ay mayroon namang life after death. Yah, naniniwala ako na may life after death. Sa life after death ko na lang aayusin ang buhay ko. Dahil sa ngayon na buhay ko ay magulo. Di tuwid ang buhay ko. May mga desisyon ako sa buhay na hindi naging maganda para sa akin. Napakadami kong naging mali sa buhay ko. Kahit sa mga tao na nakikilala ko lang sa pamamagitan ng diaryo na nagsusulat rin sila ng kuwento, poems, at tula, sa text, sa chat, o ano pa ay may mga kasalanan ako. Nagkakaroon kami ng di magandang sagutan sa text dahilan para di na maging magkaibigan. Minsan nanggugud time pa ako sa text. Pinapaniwala ko sila pero hindi naman pala totoo. I enjoy that minsan pero nakukunsensya din ako na ginagawa ko iyon. Talagang di maganda ang buhay ko sa ngayon. Sa life after death ko ay doon babawi ako. Magpapakatino ako at susundin talaga kung ano talaga ang maganda para sa akin. Kasi sa buhay ko ngayon ay ako ang nasusunod. Hindi ako nakikinig sa iba na kung nakinig ako sa kanila ay baka naging iba ang takbo ng buhay ko. Matigas kasi ang ulo ko, pero minsan ay malambot,. Nakikinig rin naman ako sa iba pero minsan hindi ko inaapply sa buhay ko. Ang pagkamatay niya ay sabi mabuti rin dahil hindi na siya pinahirapan pa ng husto. Di katulad ng iba na naghihirap muna at gumagasto pa ng malaki tapos mamamatay rin. Ang edad ng nanay ko ng mamatay ay 66 at ngayong June 22, 2009 ang second death anniversary niya.


(click niyo po ang naka scan na newspaper clip para po lumaki at mabasa niyo ang sa diaryo.)

SANA
From: Arvin U. de la Peña
To: Beltrana U. de la Peña

I
Sana muli kitang makasama
Ng madama ko ang pagmamahal mo sa akin
Sana muli kitang makita
Ng magkaroon ng kulay mata kong nalulungkot
II
Sana muli kitang makasabay sa pagkain
Para kahit ano ang ulam kasalo kita
Sana muli tayong makapamasyal
Para mayroon pa rin sigla
III
Sana muli tayong magkakuwentuhan
Para malaman ang suliranin ng isa't isa
Sana muli tayong manood ng tv
Ng malaman natin ang mga nangyayari sa ibang lugar
IV
Sana muli nating madama
Ang lungkot at saya na nangyayari sa atin
Kung buhay ka lamang
Ay mangyayari sana ang lahat ng ito
V
Sana buhay ka pa
Mahal na mahal kong Ina
Sana, sana buhay ka pa
Di ako masaya kung wala ka

Tuesday, June 9, 2009

Pinagtibay Ng Panahon

"If you really meant to each other your road will surely meet no matter how strange the ways are."
















PINAGTIBAY NG PANAHON
Ni: Arvin U. de la Peña

Akala ko di na tayo magkikita pa
At lalong akala ko hindi na madudugtungan
Ang pag-ibig na ating nasimulan
Noong tayo ay mga bata pa
Na kahit tayo ay wala pang sapat
na pag-iisip
May pagmamahalan na tayo sa isa't isa.

Naaalala ko pa dalampung taon
na ang nakalipas
Bago kami umalis ng aking mga magulang
Para doon sa ibang lugar manirahan
Ay nagkausap pa muna tayo
Pero may luha na sa ating mga mata
Para sa paghihiwalay na magaganap.

Lumaki ako sa ibang lugar
Namulat ang isipan ko sa lahat ng bagay
Pati na sa makamundong pagnanasa
Nagkaroon ako ng sapat na pag-iisip
Na hindi katulad ng isang bata
Pero pagdating sa pag-ibig
Pagdating sa ikasasaya ng isang taong
natutong magmahal
Ay ikaw pa rin ang nasa isip ko
Ikaw na aking kababata, kalaro, at kaibigan.

Habang abala ako sa lahat ng gawain
Habang abala sa aking pinagkakakitaan
Hindi ko maiwasan ang hindi ka isipin
Hindi ko maiwasan ang di mag-alala
Na baka mayroon ka ng minamahal.

Sa di inaasahang pagkakataon
Makalipas ang dalampung taon
Sa pagbakasyon ng aking pamilya, kasama ako
Sa lugar na aking pinagmulan
Laking pasasalamat ko ng muli kitang makita
Na wala pang nagmamay-ari ng iyong puso.

Hinihintay mo rin pala ako
Hinihintay ang pag-ibig ko
Na nabuo mula pa noong mga bata pa tayo
Hindi ka nagpaligaw sa iba
Sa kabila na marami ang nagkakagusto sa iyo
Ako pa rin pala ang nasa puso mo
Katulad na ikaw lang sa puso ko
Ngayong subok na ng panahon ang ating pagmamahalan
Pinagtibay ng panahon
Sana ay di na tayo maghiwalay pa.

Saturday, June 6, 2009

Shabu

"Walang tao na nalulong sa shabu na sa kahulihulihan ay nagsabi na dahil sa shabu ay naging maayos ang buhay niya. Lahat sa kahulihulihan ay nagsisisi kung bakit pa siya naging sugapa sa shabu. Ang iba pa nga ay nagsasabi na hindi siya dapat tularan isang adik sa shabu. Wala talagang mabuti na naidudulot sa tao ang shabu."

(Sinulat ko ito hindi dahil isa akong adik sa shabu, kundi dahil ito ang katotohanan sa ibang gumagamit ng shabu)



SHABU
Ni: Arvin U. de la Peña

Ilang beses ko ng sinabi sa sarili ko
Hindi na ako gagamit sa iyo
Pero hindi ko nagagawa
Lagi pa ring kitang binabalikan.

Sa pagsuyop ko sa iyo
Nagiging komportable ako
Relax na relax ako sa lahat
Kahit hindi ako nakakatulog.

Ganun man ang epekto mo
Ay ayos lang sa akin
Nabaliw na talaga ako sa iyo
Ikaw na ang hanap-hanap ko.

Kapag may pera ako binibili ka kaagad
Para sa iyo ay gumamit
Kapag wala namang pera ay nangungutang
O kaya nagbebenta ng bagay pa makasuyop sa iyo.

Kinababaliwan kong shabu
Hindi ka naman nakakain o naiinum
Pero ang dulot mo ay ibang-iba
Hindi ko tuloy alam kung hihinto pa ako sa iyo.

Thursday, June 4, 2009

Masaya Ka Ba

"May mga tao na minsan kapag iniwanan ng kanilang minamahal ay nawawalan na ng pag-asa. Iyon ay dahil nahihirapan silang makapag move on sa nangyari."




MASAYA KA BA
Ni: Arvin U. de la Peña

Masaya ka ba ngayong wala na tayo?
Hindi na tayo nagmamahalan
Wala ng paglalambingan sa atin
Kahit sa paligid ng maraming tao.

Masaya ka ba na ganito na ako?
Laging nag-iisa at malungkot
Iniisip ang iyong kagandahan
Araw-araw binabanggit ang pangalan mo.

Masaya ka ba nasira ang pangarap natin?
Pangarap na ating inaasam-asam
Minimithi na ito ay makamit
Noong nag-uumpisa pa lang tayo magmahalan.

Masaya ka ba ako ay pinagtatawanan
Nang mga kaibigan ko at nakakakilala sa akin
Bakit daw ako nababaliw sa iyo
Gayong marami pa namang iba.

Masaya ka ba, masaya ka ba?
Napakasakit naman kung masaya ka
Habang ako ay narito walang silbi
Umaasa lagi sa iyong pagbabalik.

Monday, June 1, 2009

Happy birthday

"Kahit nagkahiwalay na kayo ng isang tao na minsan minahal mo tuwing kaarawan niya ay sigurado na maaalala mo pa rin siya. Kasi kapag kaarawan madalas ay naibibigay o nakakamit ang nais ng kanyang kapartner o kaya ay may nangyayari talaga. Nagkakamali kayo kung ang ibig kong sabihin ay sex, hehe..joke."


HAPPY BIRTHDAY
Ni: Arvin U. de la Peña

Happy birthday sa iyo ha
Nakakalungkot isipin na hindi na tayo
kagaya ng dati
Madalas laging nagkakausap
Kahit na ba ang buhay nating dalawa
Malaki ang pagkakaiba
Langit ka at lupa ako
Pero nagmahalan pa rin.

Happy birthday sa iyo ha
Alam ko masaya ka na ngayon sa buhay mo
Nakapag move on ka na
Sa ating paghihiwalay
Higit sa lahat balita ko ay masaya ka
Sa piling ng bago mong mahal.

Happy birthday sa iyo ha
Nais ko ipaalam sa iyo
Na sa tuwing kaarawan mo ay naaalala ka pa rin
Ang sandali na tayo ay magkasama
Para mag celebrate sa mahalagang araw
ng iyong buhay.

Happy birthday sa iyo ha
Sana marami pang kaarawan ang
dumating sa buhay mo
May kaunti pa rin akong panghihinayang
Na hindi tayo nagkatuluyan
Ngunit unti-unti natatanggap ko na
Ang nangyari sa ating dalawa.

Happy birthday sa iyo ha
Happy birthday talaga
Kung dumating man ang panahon na
kailangan mo ang tulong ko
Nandito lang ako
Huwag kang mag-alinlangan na
ako ay lapitan
Nakahanda akong tulungan ka
Dahil minsan tayo ay nag-ibigan.


Pag-iwan

"Minsan kailangan natin hayaan na lang ang isang tao kahit pa ito ay mahal natin kung para sa kanyang ikaliligaya."


PAG-IWAN
Ni: Arvin U. de la Peña

Pababayaan na kita

I will let you go na

Hindi dahil kakalimutan na kita

Kundi para maging masaya ka

Ayaw mo na kasi na magparamdam pa

ako sa iyo

Masakit man pero kailangan kong tanggapin

na talagang di tayo para sa isa't isa

Sana maging masaya ka sa bago mong mahal

Higit sa lahat ayaw ko na malaman

Na nasasaktan ka dahil sa kanya.