Wednesday, December 27, 2023

Kawawang Rebelde

 


Kawawa ang mga rebelde na ginagamit sila para sa political na ambisyon. Hindi man lang naiisip ng mga politiko na iyon kung bakit sila naging rebelde. Kung maayos ang pamamalakad ng gobyerno at maayos sana ang pamumuhay ng mga tao di nila maiisip na maging rebelde. 

Sa mga botante nanam mag isip kayo ng mabuti kung tama ba na iboto ang mga politiko na ginagamit ang mga rebelde para sila ay bumango sa publiko. Ilang porsyento lang sila na mga rebelde kumpara sa mga pilipino na nangangailangan ng maayos na serbisyo ng pamahalaan at pamamalakad ng sa ganun ay hindi sila masyado magutom. May pera na maipambibili kung ano ang kailangan.

Plataporma at hangarin sa mga pilipino na maging maganda ang buhay iyan dapat ang bukambibig para sa hangarin politika hindi patungkol sa rebelde.


Sunday, October 29, 2023

Song title Sana ikaw at ako parin.. GigiL Boys

Kapag nagkahiwalay kayo ng mahal mo at may pagmamahal ka pang nararamdaman sa kanya ay nanaisin mo talaga na sana magbalikan kayo. Para sa mga nais pang makipagbalikan sa kanilang mahal sa buhay ay sana magustuhan niyo ang sinulat kong kanta na ito na ang pamagat ay Sana Ikaw At Ako Pa Rin na inawit ng Gigil Boys.

Sunday, July 23, 2023

Ulan

 



ULAN

Ni: Arvin U. de la Pena


Sa pagbuhos mo marami rin ang natutuwa

Lalo na kung mga nagdaang araw mainit ang panahon

Ikaw ay pinapasalamatan

Dahil kahit paano naiibsan ang init ng katawan.


Sa mga magsasaka ay malaki ang tulong mo

Dahil minsan mahaba ang tag-araw

Pagkauhaw sa tubig ng mga palay

Nabibigyan mo ng lunas.


Ulan minsan matagal ka, tag-ulan

Minsan naman ikaw ay panandalian lang

Ang tulad mo ay para ring pangarap

Minsan natutupad agad, minsan naman matagal.


Masarap kang isipin minsan

Inaalala ang noong bata pa naliligo

Sa lungkot at saya minsan ng mga tao

Ang tulad mo ulan ay saksi.



Saturday, March 11, 2023

Ang Pag Rally

 


Ang mga pag rally ay malaking tulong para sa mga pilipino. Dahil ang mga pagrally ang layunin ay interes ng sambayanan. Hindi pansariling interes lamang nila.


Masakit isipin na ang mga nagrarally ay tinatawag na komunista gayong ang ginagawa lang nila ay maipaabot sa gobyerno ang nararapat para sa hangarin nila. Karapatan naman ng mga pilipino ang magsalita, ilabas ang hinaing ayon sa saligang batas.


Kung hindi sa mga pagrally siguro ang sahod ng mga manggagawa hindi pa rin kasya sa kanila. Malaking tulong ang mga pagrally nakaraang taon na ang gusto ay dagdagan ang sahod na nangyayari naman. Dati kapag nagpaload ka ang expiry ay 3 days lang o kaya 15 days, o kaya 30 days.. Dahil sa mga nagrereklamo ang bawat pagpaload ang expiry ay isang taon na. Malaking tulong iyon para sa mga subscribers.


Kung ikaw ay nagbabatikos sa mga nagrarally ay dapat makonsensya ka na.  Dahil ang mga pagbatikos mo sa kanila ang hangarin nila ay nakamtan mo naman. Dahil sa kanila ay nabiyayaan ka kagaya tumaas ang suweldo mo o anu pa. Kaya dapat ay magpasalamat ka sa kanila na mga nagrarally.



Thursday, January 12, 2023

Sibuyas

 


Sobrang mahal ngayon ang presyo ng sibuyas. Halos mas mahal kumpara sa sahod ng mga ordinaryong manggagawa. Ang Pilipinas ay matatawag na agricultural country, pero bakit ganun ang nangyayari. Para sa akin kung ako ang tatanungin ay kulang sa suporta ang mga pilipinong magsasaka. Kapag nag aani na sila ng mga tanim sabihin na natin na sibuyas ang pinagbebentahan nila ng kanilang ani ay sabihin na over supply kaya hindi puwede na bilhin ng kung ano ang nararapat na presyo na gusto ng mga magssaka. Ang mangyayari ay ibenta na lang ng mura ang ani. Ang hindi alam ay taktika lang din para makatipid sa pagbili ng buyer at ang mga binili ay ibenta ng mahal ang presyo sa mga pamilihan.


Ang inportation kagaya ng sibuyas para daw bumaba na ang halaga ng presyo ay parang wala rin silbi. Hindi makatulong na bumaba ang presyo ng sibuyas. Nag angkat ng bigas mula ibang bansa, nag angkat ng mga isda mula ibang bansa. Ang mga iyon na pag angkat ay nakatulong ba para bumaba ang presyo ng bigas at isda. Hindi, hindi nakatulong kundi ganun pa rin ang presyo. Ang mga nasa ibang bansa na mga magsasaka o negosyante ay hindi nanan sila tanga para ibenta ang produkto nila ng mura. May bayarin din para sa pag import kaya imposibible talaga na nakakatulong ang pag import para bumaba ang presyo. Kung makatulong man bumaba ang presyo ay konti lang ang ibaba.


Tulungan ang mga magsasaka. Hindi biro ang gawain nila. Para kumita ay grabeng sakripisyo ang kailangan.


Sunday, September 11, 2022

Song title pangarap Compose by Arvin dela Pena.song by meliton talaba.. ...

Bawat isa sa atin ay mayroon pangarap. Sino nga ba naman ang walang ambisyon sa buhay. Ito ang dahilan kung bakit naisulat ko ang kantang ito na Pangarap. Ang kantang ito sana makapagbigay inspirasyon sa mga makarinig.


Monday, August 1, 2022

Labanan Ang Fakenews


Ang fakenews ay nakakasira sa kaisipan ng tao. Kahit matalino ay napapaniwala sa fakenews. Hindi mabuti ang ganun kasi kung magpapatuloy ay walang magandang kahihinatnan ang bansa, maging kawawa ang mga pilipino. Hindi lang sa ngayon kundi pati sa hinaharap na panahon.

Kapag may nababasa na fakenews o napapanood ay dapat na ito ay salungatin ng katotohanan. Huwag mahiya at matakot magsabi sa katotohanan. Dahil ang ipinaglalaban ay para naman sa ikabubuti ng lahat. 

Kung malinis ang pagkatao ng isang tao ay sisiraan ng sisiraan sa mga fakenews at maraming tanga ang mapapaniwala kahit hindi totoo.Ganyan ang nangyari kay VP Leni Robredo. Masyadong siniraan ng mga fakenews na pinaniwalaan ng mga tanga at uto-uto. Sila na mga nagpapakalat ng mga fakenews ay wala silang konsensya. Masaya sila na marami silang nauuto, higit sa lahat kumikita pa sila pagpalaganap ng mga fakenews.

Kaya hanggat maaari huwag maniwala sa mga fakenews higit sa lahat ito ay labanan.