Wednesday, September 14, 2016

Never Give Up

"Ang umaayaw ay di nagwawagi, ang nagwawagi ang di umaayaw."


NEVER GIVE UP
Ni: Arvin U. de la Peña

Never give up. Ganyan dapat tayo sa buhay. Ang mga problema ay hindi maiiwasan. Pero sa bawat problema ay mayroon solusyon. Nariyan ang mga magulang, kapatid, at mga kaibigan na puwede makatulong kung may problema man. Huwag panghinaan ng loob kung may suliranin.Dahil kung gagawin iyon ay mananaig ang kabiguan. Mas masarap ang tagumpay.

Never give up. Sakali mang may talento ka at kinutya o pinintasan ang ginagawa mo huwag lang magalit. Ngumiti lang at ang sinabi sa iyo gawin mong motivation factor para pagbutihin ang ginagawa. Sa buhay, likas ng mayroon kang makakasalamuha na tao na mahilig pumuna sa ginagawa ng ibang tao. Ang mga iyon ay hindi lang pinapansin. Dahil kung papansinin mo sila ay lalo ka lang maaasar sa kanila. Kasi hindi ka nila titigilan.

Never give up. Mabigo ka man sa pag-ibig dahil ang minahal mo ay hindi ka gusto ay humanap na lang ng iba. Hindi mo mapipilit ang isang tao para ikaw ay mahalin. Masarap ang pakiramdam kapag pareho kayong nagmamahalan na nagsasama sa buhay. Nariyan lang sa tabi-tabi ang tao na puwede mong mahalin at maaari kang mahalin. Kung hindi man ay nariyan ang computer, sa facebook na marami ng nagmahalan dahil dun.

Never give up. Kung lagi ka mang talo sa number game kagaya ng jai-alai o suwertres ay mananalo ka rin. Hindi bawat araw ay talo ka. May araw talaga na mananalo ka basta tataya ka. Huwag lang magnakaw o magbenta ng kung ano na bagay para itaya kasi masama iyon. Mag alaga lang ng numero na iyon lang lagi ang tatayaan at tiyak lalabas iyon. Kung kailan ay iyon ang hindi alam. Puwede rin na mag compute kung ano ang magandang tayaan na posible na manalo. 

Never give up. Kung sakali mang bumagsak ka sa klase sa isang subject ay enroll uli ang subject na iyon at pagbutihin na ang pag aaral. At higit sa lahat ituwid ang mga pagkakamali mo sa subject na iyon. Sa pag-aaral para makamit ang ambisyon ay sadyang mahirap pero kapag natupad na ay sulit naman. 

Never give up, never give up.

Wednesday, August 17, 2016

Kabataan

"Sa ating pagiging bata nagsisimula ang tinatawag na pag-ibig."


KABATAAN
Ni: Arvin U. de la Peña

Sa bawat mga kabataan na naglalaro
Lagi kong naiisip ang alaala mo
Alaala ng tayo ay bata pa
Katulad ng mga kabataan ngayon, palagi ring naglalaro.

Araw at gabi man na ating paglalaro
Kasiyahan mong nadarama, kasiyahan ko na rin
Dahil kapag nakikita kitang nakangiti
Kakaibang kasiyahan ang nadarama ko.

Mahaba mong buhok, makinis mong balat, at
mukhang kayganda
Hindi nakakasawa na tingnan
Panahon na tayo ay bata pa
Ikaw na ang inspirasyon ko.

Kung hindi dahil sa magulang mo
Siguro magkasama tayo ngayon
Tunay na nagmamahalan
Pag-ibig na sa kabataan pa nagmula.

Malayo ka man ngayon sa akin
Kapiling ng iba mong mahal
Kailanman sa puso at isipan ko
Mananatili kang nag-iisa, wala ng iba.

Friday, July 22, 2016

Salamat (at tayo'y magkasamang muli)

"Make love, not war."















SALAMAT

Salamat, tayo'y magkasamang muli
Salamat at may gabing nakalaan sa kaunting kasiyahan

"hindi maipagkakaila na sa ngayon na panahon bawat isa sa atin ay mayroon ng pinagkakaabalahan. At ang pinagkakaabalahan na iyon ay maaaring patungkol sa trabaho, obligasyon sa buhay, pamilya, o kung ano pa. Ganun pa man napakasaya na mayroon pa rin mga kaklase na ang pinagkakaabalahan ay pansamantalang iniiwan para sa grupo."

Salamat at tayo'y nagkasamang muli
Salamat at sa pagpawi ng uhaw ay may darating na araw

"sa inyo na mga kaklase ko alam kong mahirap sa inyo ang iwanan ang pinagkakaabalahan sa buhay lalo kung kikita ng pera. Pero iniiwanan niyo pa rin dahil ang nasa isip niyo "Hindi kayo magiging ganito sa ngayon kung wala ang mga naging kaklase. Dahil walang nag gragraduate ng high school na isa o dalawang estudyante lamang. Isa pang dahilan, ang bawat pinagkakaabalahan ay laging ganun bawat araw. Kaya puwede munang iwanan dahil mayroon pa namang bukas."

chorus
Kay tamis ng ating samahan sa lungkot at kaligayahan 
Tunay na kaibigan, kasamang maaasahan
Salamat at tayo'y may pinagsamahan
Salamat, tunay kong kaibigan

"salamat, salamat talaga sa inyo na sa bawat pag meeting ay nakikiisa kayo. Ilang oras na pakikihalubilo sa mga ka batch ay sapat na. Nag-iiwan kayo ng magandang alaala para sa grupo na iyon ang dapat. Ang mga iba sana tumulad sa inyo."

chorus
Kaytamis ng ating samahan sa lungkot at kaligayahan (kaligayahan)
Tunay na kaibigan, kasamang maaasahan

"kanya-kanya tayong problema sa buhay, kanya-kanyang istorya ng bawat isa. Ang mga alitan at di pagkakaunawaan noon ay ginagawa na lang natin na katatawanan sa bawat pagtitipon. Ganun dapat, hindi siniseryoso."

Salamat (salamat) at tayo'y may pinagsamahan
Salamat, tunay kong kaibigan

"ating pagiging magkaibigan sana ay hindi magwakas. Minsan man lang magtipon-tipon, sana hindi iyon maging dahilan para magkalimutan. Panatilihin natin sa bawat isa ang pagiging tunay na magkaibigan para sa ikatatagumpay ng ating grupo, ng ating batch."

Salamat (salamat) at tayo'y may pinagsamahan

Salamat, kaibigang walang kapantay

Salamat sa'yo, kaibigan ko

Salamat sa'yo, salamat sa'yo

Saturday, June 4, 2016

Pag-asa at Kinabukasan (tula para kay President Rodrigo Duterte)

"Sa bawat halalan dapat may tiwala tayo sa ating binoboto."


PAG-ASA AT KINABUKASAN
(tula para kay President Rodrigo Duterte)
Ni: Arvin U. de la Peña

Ikaw ang ginusto na maging pangulo
Bansa ay iyong pamunuan
Pag-asa at kinabukasan ng sambayanan
Umaasa na sa iyong liderato makamtan.

Kamay na bakal man ang pairalin
Sa pagpatupad mo ng batas
Karamihan ay hindi tututol
Dahil mas marami ang mabuti kaysa masama.

Lupang sinilangan mo lugmok na sa kahirapan
Korapsyon, droga, at krimen ay laganap
Ang lahat ng iyon nasa iyo ang kasagutan
Magandang bukas sa iyo nakasalalay.

Anim na taong pagserbisyo
Tuluyang pagbabago sana ay makamtan
Pagkakaisa ng bawat pilipino
Magkaroon na ng katuparan.

Sunday, April 17, 2016

Speech

"When I attended Elementary Grand Alumni Homecoming one of the host class gave a speech. I appreciated what he say and I clapped my hands. That is the reason I also make this speech. I wrote this not for the intention that I'm the one who will deliver the speech when our hosting come."


SPEECH
By: Arvin U. de la Peña

Good evening!

To my fellow graduates in this school, to the teachers, and to my batchmates again good evening. Tonight is not a night of happiness, but a night of reminiscing the past. Tonight in this school we remembered our childhood, we remembered our plays, playing around everywhere. Inside and outside the room. We remembered our teachers, that taught us how to read and right, we remembered our teachers that discipline us when we are out of control.


In this school, the Congressman Alberto T. Aguja Memorial Central School we started our dreams in life. In this school we mold our ambition to what we become in a near future. Because our teachers told us to write down on a piece of paper what do we want when we grew. Some are successful, some are failed. But failures is not a reason to give up. 


In this school, the Congressman Alberto T. Aguja Memorial Central School when we are still here that's the time we started to have a crush on classmate or a schoolmate. That's the time we started to admire fellow student, a deep admiration that goes to love. We used stationary paper to express the feelings. Some have a relationship at the exact age and some they got married.


Throughout the years even if we are out already of this school. Even if we are in other places if we saw elementary students or elementary school we remembered this school. Because this is the school we started to study and brought where we are now. 


The laughters and joy, the sorrow and pain when we are studying here is hard to forget. This evening ladies and gentlemen let's enjoy remembering our past, when we are kids.


And before I end up my speech. I want to share all of you here a qoute. A quote which I read several years ago. 

"Graduation does not mean you will be apart from school, but rather you will always be a part of it."

Thank you very much..........


Thursday, February 4, 2016

Bakit Labis Kitang Mahal

Maraming loveteam ngayon sa tv at pelikula. Pero ang loveteam nina Aga Muhlach at Lea Salonga ang para sa akin the best.


BAKIT LABIS KITANG MAHAL
Ni: Arvin U. de la Peña

Sa buhay ko ay ikaw lang
Maraming tukso ang iniwasan ko
Hindi ko magagawa na ipagpalit ka
Kahit sino pa man sila.

Labis-labis ang pagmamahal ko sa iyo
Kung bakit ay dahil ikaw ang mundo ko
Walang iba na nagpapasaya sa akin
Kundi ikaw lang talaga.

Pilit mang ikaw ay limutin
Sa alaala ko patuloy kang nagbabalik
Mga hadlang sa pag-ibig natin
Inaasam ko na atin malampasan.

Batid ng lahat na para tayong langit at lupa
Karangyaan sa buhay ay taglay mo
Sa iyong pag-ibig marami ang naghahangad
Pero ako na dukha ang pinili mo.

Tibay ng pagmamahalan nating dalawa
Sana patuloy pang maging matatag
Hawak kamay natin laging harapin
Mga hamon at pagsubok sa buhay.

Tuesday, October 20, 2015

Syvester Stallone

Kapag may dumarating na diaryo sa aming lugar ay nagbabasa talaga ako.
At sa diaryo na PM (Pang- Masa) ay paborito kong basahin ang column na DIKLAP. Kasi madalas nakaka inspire ang mga kuwento o nasusulat. Kay Ms. Anne sa DIKLAP ay humihingi po ako ng paumanhin na ang sinulat mo tungkol kay Sylvester Stallone ay isulat ko rin sa blog ko kasi idol ko rin siya na artista. Sana maunawaan mo ako sa ginawa kong ito.



SYLVESTER STALLONE

Isinilang siyang paralisado ang kaliwang mukha. Ang forecep na ginamit ng doktor na nagpaanak, ang umipit sa nerves ng kanyang pisngi, lips at dila. Ang resulta, paglaki niya ay "ngamol" siyang magsalita. 'Yun bang nagdidikit-dikit ang mga sinasabi kaya hindi maintindihan. Magkaganoon pa man, may mataas siyang pangarap...ang maging artista.

Dumating sa punto na naging homeless siya ng New York City. Pinalayas siya sa apartment na inuupahan. Walang-wala na siya kaya naisipan niyang ibenta ang pinakamamahal niyang aso. Naibenta niya ito sa halagang $25. Noong 1975 ay napanood niya ang Muhammad Ali-Chuck Wepner Fight. Dito siya nagkaroon ng ideya na magsulat ng screenplay tungkol sa boksing. Sa terminal ng bus siya nakikitulog at sa panahong iyon niya sinusulat ang script.

Nakalabas na rin siya sa ilang porn movie dala ng pangangailangan kaya may ideya na siya kung kanino dapat ialok ang script. Sa pag-aalok ng kanyang script, may kondisyon itong kasama-siya dapat ang bida. Kaso ngamol siyang magsalita kaya ayaw pumayag ng producer na gustong bumili ng script sa halagang $350,000.
Si Burt Reynold o si Robert Redford ang gusto ng producer na gumanap na bida.

Sa kaaalok, may bumili rin ng script at pumayag na siya ang gawing bida. 'Yun nga lang, binarat ang kanyang script, binili lang ito ng $35,000. Pero ayos na ayos iyon sa kanya. Basta't siya ang bida. 'Yun naman ang ultimate goal niya, maging bida sa pelikula at hindi maging scriptwriter. Nang makuha ang bayad, binalikan niya ang bumili ng kanyang aso at muli niya itong binili. Nakuha niyang muli ang kanyang aso sa halagang $15,000.

Ang script na sinulat niya at isinapelikula ay ang 1976 movie na Rocky. Sinulat lang niya ito sa loob ng tatlong araw. Kumita ito nang mahigit na $200 million, worldwide. Ito ang simula ng pag asenso ng buhay ni Stallone. Isinama niya sa pelikula ang kanyang mahal na aso.

"Ang mga nagiging kampeon sa buhay ay dating mga talunan pero hindi tumigil sa pakikipaglaban"-Stallone