Bobotante

Ang pagkatalo ni VP Robredo sa halalan ay pagkatalo ng sambayanang pilipino. Sinayang ng napakaraming pilipino ang mapagsilbihan sila ng isang Leni Robredo. Sadyang napakarami na rin ang tinatawag na mga bobotante. Ang mga bobotante ay sila ang mga tao na hindi marunong pumili ng tamang kandidato na magsisilbi bilang politiko. Sa desisyon ng mga bobotante ay damay ang mga tao na bumoto kay VP Robredo. Kung magpapatuloy pa na sa bawat halalan ay napakaraming bobotante ay walang magandang kahihinatnan ang bansang Pilipinas.

Tula Para Kay Leni Robredo

Ang tulang ito ay sinulat ko para kay VP Leni Robredo na tumatakbo pagkapangulo ng bansa.

Tula Para Kay Leni Robredo

Ni: Arvin U. de la Peña

Sa iyo nakikita ang pag-asa

Bansang naghihirap at nagdurusa

Sa bawat binibitawan mong salita

Nagbibigay inspirasyon sa madla.

Mga tao ay nagkakawang gawa

Upang ikaw ay suportahan nila

Mula sa iba't ibang lugar ng bansa

Nagkaroon grupong kakampink upang ipaglaban ka.

Walang katulad ang sa iyo paghanga

Mayaman man o mahirap labis pinapakitang suporta

Gumagasto ng sarili nilang pera

Upang magamit ikaw ay ikampanya.

VP Leni Robredo marami sa iyo nagtitiwala

Mangyari sinusulong na plataporma

Pilipinas ay magkaroon uli ng sigla

Kapag ikaw ay naging pangulo na.

Ikaw at Ikaw parin song by Meliton Talaba.A.K.A..Mel Regaza..Compose by ...

Kasiyahan sa akin na ang sinulat kong kanta ay awitin ni Meliton Talaba a.k.a. Mel Regaza. Nakailang weeks din siya sa Tawag Ng Tanghalan sa Showtime. 

Dagat Pilipinas OFFICIAL LYRICS VIDEO

Para sa mga may concern sa kalagayan sa West Philippine Sea issue kaya naisulat ko ang kantang ito. Sana maintindihan at maunawaan ang lyrics ng kanta. 

Sa Susunod Na Eleksyon

Sa susunod na eleksyon ay bumoto ng tama. Huwag bumoto dahil dahil siya ay sikat, kilala o mapera ay iyon na ang iboboto. Sa pagboto ay dapat kilatisin muna ano klase mayroon ang pagkatao niya. Ano ang background mayroon siya na karapat-dapat ba na maging isang public servant.

Nagkaroon ng pandemya dahil sa covid. Siguro naman naramdaman niyo kung sino sa inyong naglilingkod para sa bayan ang nagpakitang gilas o may ipinakita na pagtulong na maging hudyat para sa sunod na eleksyon ay puwede pang iboto. Siguro naramdaman niyo na kung malapit lang sa eleksyon sila ay nagpapapansin o kung ilang oras na ang halalan ay diyan na magbigay tulong sa pamamagitan ng pagbili ng boto o pagbigay ng kung ano.

Mahalaga ang halalan dahil dito nasusukat ang tao na magsisilbi para sa bayan o para sa bansa. Kung hindi boboto ng tama ay malaki ang epekto sa mga pilipino, sa mga susunod na henerasyon, sa mga nasasakupan ng bayan o ng mga lalawigan. Uso ngayon ang social media. Halos lahat ay mayroon cellphone o smartphone na puwede makabasa para sa isang politiko kung anong klase siya na pagkatao. Ang mga nababasa na ilan ay tiyak fake news. Kaya huwag na huwag agad maniwala sa kung anuman ang balita o nabasa para sa isang politiko dahil ang mga politiko ay mayroon silang mga tao na ang trabaho ay pabanguhin ang kandidato sa mga tao kahit na hindi mabango.

Oo sa halalan nakakatanggap nga ng pera. Pero ang pera na iyon ay ilang araw lang ay ubos na. Anim na taon o tatlong taon ang kapalit ay pera na naubos agad. At kung hindi pa mabuti ang pagserbisyo ay sakit sa ulo lang ang resulta para sa iyo. At sasabihin na lang na babawi sa susunod na eleksyon. 

Nasa huli minsan ang pagsisisi para sa naging pagboto sa isang kandidato. Pero kung boboto ng tama ay hindi iyon mangyayari para iyo.

Vote Wisely ika nga.

Wala Na Tayo - Rhexz Item I Hugot Music I OPM

 Ang composed kong kanta na 

Wala Na Tayo ay patungkol sa isang tao na nagmahal pero iniwanan. Kahit ganun na iniwan ay umaasa pa rin na magbabalikan. Malaki ang pasasalamat ko sa may ari ng

Rhexz Item TV na taga Cebu, isang youtuber, naiimbitahan din mga pag awit sa ibang lugar kasi pumayag siya na awitin ang composed kong kanta na siya na rin ang gumawa ng tugtog.

 

Buhay Ng Isang Ina

Ang sinulat ko pong kanta na ito ay para sa mga ina, para sa mga ulirang ina. Maraming salamat para sa Francis Francia vlog at pumayag siya na awitin ang sinulat kong kanta na ito. Sana ay magustuhan niyo.