Hinaing

"Bihira lang talaga na ang isang politician ay maganda ang record sa mamamayan. Di ko na lang sabihin dito kung sinong politician ang tinutukoy ko at iniisip habang sinusulat ko ito kasi baka pag initan pa ako ng kanyang mga tagahanga, hehe."

HINAING
Ni: Arvin U. de la Peña

Tama ba na pinasok mo ang mundo na ito?
Sa pag-aakalang ikaw ay makakatulong
Para ano pa ikaw ay nailuklok
Gayong taumbayan ay naghihirap pa rin.

Ilang taon ka na ba sa puwesto
Hindi ba matagal na?
Hindi ka ba nahihiya?
Maraming tao na ang ayaw sa iyo.

Hayok ka ba sa posisyon?
O sadyang makapal ang mukha mo
Nakakaya mo pang sa publiko ay magsalita
Na hindi naman lahat natutupad.

Nakakahiya ka na, hindi mo ba alam?
Kung may tao man na gusto ka
Iyon ay katulad mo rin ang ugali
Pero kaunti lang kayo.

Hanggang saan, hanggang kailan ka diyan?
Sana ay di na magtagal
Dahil pati pangalan ng bansa
Nadadamay dahil sa iyo.